Mara Christian Network Statement of faith:

1. Biehrai bu 66-pa cha Khazohpa bie adoleina ahneileipa nata biehneina ta eima pyh.

2. Khazohpa pakha y ta, manoh-pathoh: Paw, Sawchapawpa nata Thlahpa Pathaipa ta a ypa eima pyh.

3. Abei Zisu Krista cha Khazohpa nata Chyhsapa cha ta, laihsa kopa ta pih ta, moleina ahneileipa, hmo no-ah ataona, Kraws lia thisaih lopa ta thita, pohpa ta athyuheina, Paw chachah la ta atyuh ta, apohpa tlai ta avy heih awpa nata arohnana zy eima pyh.

4. Chyhsapa cha Khazohpa nothlahpa ta taopa cha ta, Khazohpa reingialeipa ta moleiha ta, Ataotuhpa tawhta pachhaipa a cha haw, he moleina liata tluna heta Khazohpa chhiesana liata chyhsa cha eima y haw.

5. Chyhsa hrozie cha moleina deisai cha ta, Khazohpa palysa thei vei. Chyhsa to cha Thlahpa Pathaipa pathiehpa nata pahro awpa ama peimawh chyu tahpa eima pyh.

6. Pachha cha theina cha Khazohpa ngiachhiena hmosaipiepa dei cha ta, hmotaopa ahlao vei, a zydua tlyma, achyhta chhao rai, chyhsa hmopha taona, phana, nata zyna liata ryhpazy yzie hnei vei. Khazohpa ta pachha chapa ta maniah apy theina cha ano Zisu Krista liata angiapana he a cha. Zisu Krista liata angiapa leipa ta pachhachana y vei.

7. Pachha achahapazy cha Thlahpa Pathaipa akao lahna vata hropathaipa khazohpa lyuna hro eima hrothei.

8. Abeipa Zisu Krista liata angiapatuhpa zydua cha Krista pohkha eima chana hawta sakha cha pita apohkhana chhao eima hnei tahpa eima pyh.

9. Pohpa tlaita lapa achana hawhta, apohpa tlaita Abeipa Zisu Krista cha avy heih aw.

10. Abeipa Zisu Krista ta ano avy hlalei cha angiapatuhpazy cha thatihpha tlah aw lyma awpa ta bie maniah apachu vata keimo chhao eima theina hawhta Thatihpha tlah awh awpa cha eima tao hialia awpa a cha tahpa eima pyh hra.

Note: Abie ro dah he khati norai panano theipa a cha aw.