Mara Satliazy zawzita UK tawh Delegates vaw tlo: Chakahna pathla
Sep 10th, 2008 | By admin | Category: General News| Written by Maraland.net News Network | |
| Wednesday, 10 September 2008 | |
| AIZAWL – Mawhtah chakana rairuna eima tyh lymapa, a eih pachaipa ta Nochhi Mara rah (East Maraland) liata Mara sawzy rairuna ama tyhnga haipa ngiachhiena hneipa ta UK tawhta Delegates cha Aizawl liata Sept. kahkhana liata vaw tlo eita, Nochhi Mara nopawzy chhaota ama hmo thei. Chakahna cha ama pathla ha awpa alyu.
Ama vaw tlo awpa thatih chhao eima hnola syulyu khata eima vaw publish haw, click here to see. Pihno Baroness Cox zy ta Mara saw ngiapana liata ngachhihpa ta a y ngahaipazy he hawhta rairuna ama tyhpa he thata ngiachhiena hnei eita, mothlih chhaota rairuna eima rah nopawpazy ta ama chhopa cha theithai kaw eita, Mawhtah vata chakana rairuna atlo ngahaipa cha eima rairuna zydua maniah pathlapa awpa ta vaw chaha vata, Mawhtah vata Nochhi la liata Mara rah chakahna cha pathlapa acha thlah ba awpa hawhta Rev. Victor Ve U, MEC nopawpa ta a reih. Pihno Baroness Cox he Mizoram Chief Minister Puhpa Zoramthanga nata Chief Secretary Puhpa Haukhum Hauzel zy chhao ahmo theita Mizoram liata luhchaipazy chhaota ama vaw welcome pha kawpa a cha. Pihno Cox he khizaw liata Krizyhpa riethei rairuna atyh ngakawpazy chata pachhana rai avaw hria lyma tyhpa chata, Krizyhleipa thokha ta cha ama vaw haopa ngakaw tyhpa chata, anodeikua ta cha Khazohpa angiapazy pachhana raihria awpa cha ei tao awpana a cha kha a tah tyhpa chyhsa a cha. Christian Solidarity Worldwide (CSW) he he hawpa lachhah rai he thata ama hria lyma tyh hra. Maraland.net chhaota Pihno Baroness Cox cho liata eima lyna chhathai vei. CSW khizaw liata hmo ataona zydua he eima thlahchhana liata a y lyma abyuh hmeiseih. Pihno Cox nata CSW Khazohpa ta byhna pie lyma mawh sy.
Chavata, Satlia Sasa he eima thlachhana liata athei lyma sila Khazohpa ta vawhma lyma sala Project hropa tao a chhuahpazy eima rah liata tao awpa eima vaw palasa chiehpazy chhao hlaotlohna a y thei awpa ta eima khokheina eima hla hra. Satlia Sasa he eima rah liata Khazohpa ta ahma ngahaipa Evangelist Ebi sawchapawpa chata Armenia liata dawhty M.D (6yrs course) achu ngahaipa chata apatlo n’awpa kokha dei abyuh, atahma he achuna la sie pakhua hata UK nata Russia zy atly khaohta achuna su Armenia he a ngia heih aw. Ano he Maraland.net lia chhao ta Senior contributor cha ta, Mara Christian Network (MCN – www.marachriatian.net ) liata Ambassador a cha haipa nata Seed Faith Foundation (SFF) founder a cha. Source: www.maraland.net |
He United Kingdom(UK) tawhta Delegates avawtlopazy he Pihno Baroness Cox, Member of Parliament (MP) and President of Christian Solidarity Worldwide (
He hawhta khizaw liata Krizyhpazy achah-pa (Christian advocacy) group laihpa Mara saw chata byhna ama vaw cha thlahpa he Mara sawzy thlahchhana Abeipa ta chyh-eipa ta Satlia Sasa zy hmapa ta lapi a vaw pa-a tah lei theipa chavei. Mara rah chakahna vata he hawhta UK delegates ama vawtlo thei awpa hmah alana vata achuna kokha chhao avaw pahleipa cha hra.
